Pasian aa dingin thuman thutak pen manpha hi.

Daily Homily by Rev. Fr. Thomas Tuang ( July 31, 2021 )

Thuman thutak tawh nuntak ding pen khat veivei ciangin haksa mahmah hi. Tuiphum pa Johan nuntakna en lehang thuman agen na tawh thuman thutak tawh anungta nuamlo te in amah bawlsia kik in anuntakna lakhia hi. Tua ahih manin eite nuntakna zong khat vei ciangin thuman thutak in hong buaisak ding mah hi, thungaih sun siam mipil khat in bang ci hiam cih leh thuman gente pen aki mudah pen te hi ci hi. Ahi zongin Pasian aa dingin thuman thutak pen manpha hi. Ih nuntakna ih suplawh phial zongin thuman leh cihtakna khah suah loh ding pen Laisiangtho mun tuamtuam sungah zong kimu thei hi. Tua ahih manin thuman thutak tawh omlo te tawh ih kithuah ciangin eiten Pasian tate ih hih na thuman alak zo te, cihtakna alak zo te, hoihna phatna alak zo te ih hih ding kisam hi.