Pasca zanhah ni, Siangtho ki ging ni,Catholic Nisim Lungdamna Laisiangtho Mk 16;1-8, March 30 .

Pasca zanhah ni, Siangtho ki ging ni,

Catholic Nisim Lungdamna Laisiangtho Mk 16;1-8, March 30 . 

1. Sabbath ni a bei khit ciangin Mary Magdalene, James’ nu Mary le Salome-te in Jesu’ luang a zutna ding uh paknamtui a va lei uh hi.

2. Ni sagih lakah ni masa ni, zingsang tung, ni a suah tungin amaute han hawhin a pai uh hi.

3. Amaute in, “Han kongvang hukna suangtum kua in hong likkhiatsak ding ahi hiam?” ci-in khat le khat a kikum uh hi.

4. Amaute in a et toh uh ciangin a lian mahmah tua suangtumpi kilikkhia khin-a om a mu uh hi.

5. Amaute han sungah lut uh a, tangval khat puanpak silh, a taklam-a tu a muh uh ciangin patau-in lamdang a sa mahmah uh hi.

6. Ahi zongin vantung mi in amaute’ kiangah, “Lau kei un, singlamteh tunga kithat Nazareth mi Jesu a zong na hi uh hi. Amah thokik khin zo hi. Hih laitak ah amah om nawn lo hi. Ama luang kisialna mun hong en un.

7. Ahi zongin note pai unla, ‘Note’ mai Galilee gamah amah a pai ding hi. Hong genkholhsa bangin tua lai-ah Topa na mu ding uh hi,’ ci-in Peter a kipan a nungzuipite’ kiangah va gen un,” a ci hi.

8. Tua ahih manin amaute in lamdangsa-in lau uh ahih manin han panin paikhia uh a, kuamah dang kiangah hih thu gen lo uh hi.

+Hih in Topa' Lungdamna Laisiangtho ahi hi. - Christu Topa aw na tungah phatna om ta hen.