Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
"A nungzuite in mihonpite a pia uh hi"
Catholic Nisim lai Siangtho, Hun Nautaang Nipi (18) Na, August 2, 2020
Lungdamna Lai Siangtho Matthew 14: 13-21
13. Tu-in Jesu in tua thu a zak ciangin, tua mun panin gamdaihna munah kihemkhia dingin gunkuang tungah tuangin a pai hi. Mihonpite in tua thu a zak uh ciangin, a khua ciat panun khe tawh hong pai uh a, a nungdelh uh hi. 14. Tuipi piau ah a tun ciangin, mihonpite mu a, amaute hehpih huaisa-in cinate a damsak hi.15. Nitum kuan ciangin nungzuite, Jesu’ kiangah va pai uh a, “Hih lai mun in gampa lak hi a, tu-in a hun zong kai ta hi. Mihonpite hih kima khuate ah paisak inla, nek ding an a lei dingin sawlkhia in,” a ci uh hi. 16. Jesu in amaute’ kiangah, “Mipite paikhiat kul lo hi; a nek ding uh khatpeuh pia un,” a ci hi.17. Amaute in, “Kote in hih lai-ah khomun nga le ngasa nih simloh bangmah ka nei kei uh hi,” ci-in a dawng uh hi.18. Amah in, “Tuate hih lai-ah hong paipih un,” a ci hi.19. Tua ciangin mihonpite lopa tungah a tutsakna dingun thu a pia hi. Amah in khomun nga le ngasa nih la-in, vantung lam ento-a thupha pia-in, khomunte a balnen hi; tua ciangin a nungzuite pia-a, a nungzuite in mihonpite a pia uh hi.20. Mi khempeuh in ne-in a kham khit uh ciangin a khamvalte uh a neng a themin khawmkik uh a, seng sawm le seng nih a dim hi.21. An nete numei le naupang simloh pasal tul nga bang a pha hi.
Hih in Topa' lungdamna Lai Siangtho ahi hi.
Add new comment