Mawhna sila pan suahtak nading kha-an vakna

Tuni Lungdamna Lai Siangtho in mawhna a piankhiatna hong gen hi. Mi khatpeuh in ama deihna zui-in a gamtat ciangin mawhna a piangsak ahi hi. Lungsim utna a gol semsem ciangin mawhna hong piang a, mawhna hong cingtaak ciangin sihna hong piang hi. Tua ahih manin, I lungsim ngaihsutna te I kidop ding Topa Jesu in hong hilh hi. Lungsim ngaihsutna te I kepsiam ding, I zatsiam ding hong gen hi.

Mawhna a piangsak, mawhna sung hong tungsak nate.. mihingte thanem na pan hong piangkhia cilesa lunggulhna, deihgawh huaiham nate… a zungpan lotkhiat ding.. A khankhiat ma-in bullot in paihmang ding ahi hi. Kha thu ah ih thanem sangin leitung ah gimna ih thuak pen hoih zaw hi. Leitung haksat nate, I kha thahatna ding, Pasian tawh kipawl khopna ding a metbawlte ihi ding hi. Tuni tu hun laitak aa I zat TV, Phone, Fb. Internet, I lawm I gual khatpeuh, I ukna khatpeuh in Pasian tawh hong ki gamla sak aa… mawhna a piangsak leh… i sattan ding, I khelkhiat ding… i paihmang ding tua te ah  i sih ding , i zat nawn loh na ding ahi hi.

Topa Jesu in amah a siangtho mah bangin eite a siangtho dingin hongs am hi. Eite pumpi pen eite aa hilo hi. Topa Jesu in Jesus in amah si tawh hong tatsa, leisa ahih mah bangin ama tungah ki ap tawntung ni. Tua ahih man in I pumpi nate pen dawimangpa vanzat suaksak ding hilo in, ahoihna te apiangsak pumpi nate ahih nading a zangsiam, a metbawl te I hih nading, Pasian in eite khat ciat thupha hong pia ta hen.