Lungdamna Laisiangtho. Matthew 9:35-10:1,5,6-8 sung simna 3.12.2022(Saturday)

Matthew 9:35-10:1,5,6-8,  35. Tua khit ciangin Khuapi le khuaneute khempeuh ah Jesu pai kawikawi a, a kikhopna innte uh ah vantung gam lungdamna thu tangko-in, natna satna namkim a damsak hi.

36. Amah in mihonpite a cing omlo tuuhonte bangin belh ding nei loin lungkhamin a om uh a muh ciangin hehpihhuai a sa hi.

37. Tua ciangin amah in a nungzuite’ kiangah, “Buh at ding tampi om hi, ahi zongin a sem mi a tawm hi.

38. Tua ahih manin buh at ding mi tampi hong sawlna dingin lo nei Topa’ kiangah thu na ngen un,” a ci hi.

1. Tua khit ciangin Jesu in a nungzuipi sawm le nihte samin kha ninte(b) a hawlkhiat theihna ding uh le natna satna namkim a damsak theihna dingun amaute’ tungah thuneihna a pia hi.

5. Jesu in sawm le nihte hih bangin thu hilhin a sawlkhia hi: “Gentile mite’ lakah pai kei unla, Samaria mite’ khua ah zong lut kei un;(c)

6. ahi zongin Israel innkuan sunga tuu mangthangte’ lakah pai un.

7. Note in na pai uh ciangin, ‘Vantung gam hong nai ta hi,’ ci-in tangko un.

8. Cinate damsak unla, misite thokiksak un. Miphakte(d) dam siangsak unla, dawi gilote hawlkhia un. Note in man pia loin na ngah uh mah bangun man sang loin na pia un.

Hi in Topa' Lungdamna Laisiangtho ahi hi.

Add new comment

11 + 2 =