Lungdamna Laisiangtho Matthew 4:12-17 sung simna (Jan.22,2023, Sunday)

Matthew 4:12-17, 12. Tu-in Jesu in John’ a kimatna thu a zak ciangin, Galilee gamah a kilehkik hi.

13. Amah in Nazareth(b) nusia-in Zebulun le Naphtali’ gamgi, tuipi gei-a om Capernaum khua ah a teeng hi.

14. Tua bangin a teenna pen kamsangpa Isaiah in:

15. “Zebulun’ leitang! Naphtali’ leitang! Jordan gun galah tuipi lian zuatna lam Gentile mite’omna Galilee gamah,

16. Khuamial sunga teeng mite in khuavak lianpi mu khin uh hi; sihna liim khuamial sunga a teeng mite’ tungah khuavak hong tang khin zo hi,” ci-a a genkholhna a tangtunna ding ahi hi.

17. Tua hun a kipan Jesu in, “Kisikkik un, bang hang hiam cih leh vantung gam hong nai ta hi,”(c) ci-in thutangko a kipan hi.

Hih in Topa' Lungdamna Laisiangtho ahi hi.