Lungdamna Laisiangtho Matthew 28:16-20 sungsimna (26.5.2024 , Sunday)

Hun nautang Sungah Nipi Kaal (8) Na, Catholic Nisim Lungdamna Laisiangtho Matthew 28:16-20 sungsimna-------------16. Tu-in nungzuipi sawm le khatte Galilee gamah pai uh a, Jesu in amaute’ paina dinga a vaikhakna mual tungah a pai uh hi.

17. Amaute in Jesu a muh uh ciangin a bia uh hi; ahi zongin pawlkhatte in um zo nai lo uh hi.

18. Tua ciangin amaute’ kiangah Jesu pai a, “Vantung ah ahi zongin, leitung ah ahi zongin, thuneihna khempeuh keima tungah hong kipia khin zo hi.

19. Tua ahih manin, note pai unla, minam khempeuh keima nungzuite na suaksak unla, Pa, Tapa, Kha Siangtho’ min tawh na *tuisawp un,

20. note kong thupiak khempeuh a zuihna dingun na hilh un. Keimah in leitung a bei dongin note tawh kong omkhawm tawntung ding hi,” ci-in amaute thu a pia hi.

Hi in Topa' Lungdamna Laisiangtho ahi hi.