Lungdamna Laisiangtho Mark 7:31-37 sung simna (10.2.2023, Friday)

Mark 7:31-37, 31. Tua khit ciangin Jesu in Tyre gam pan paikhia a, Sidon gam kantanin Decapolis gamah pai-a, tua ciangin Galilee tuipi ah a tung hi.

32. Tua lai-ah a pau thei lo bengngong mi khat a kiang ah va paipih uh a, tua pa’ tungah a khut a ngakna dingin ama kiangah a thum uh hi.

33. Jesu in tua pa mihonpite’ lakpan a tuamin paikhiatpih a, a khutmete a bil lang nih sungah khumin, a cil phih a, a leii zong a lawnsak hi.

34. Tua ciangin vantung lam en to-in khuisa a, “Ephphatha!” ci hi, a khiatna in, “Kihong ta hen,” cihna ahi hi.

35. Tua laitakin tua mipa a bil kihong a, a leii gui kikolkhia-in siangtakin a pau thei hi.

36. Tua khit ciangin Jesu in tua thu kuamah kiangah a gen lohna dingun amaute thu a pia hi; ahi zongin tua banga a kham semsem ciangin, amaute in tua thu lawptakin a tangko semsem uh hi.

37. Amaute in lamdangsa lua mahmah uh a, “Amah in na khempeuh a hoihin bawl khin zo hi. Bengngongte khua zasak zo a, a pau thei lote nangawn a pausak thei hi,”a ci uh hi.

Hi in Topa' Lungdamna Laisiangtho ahi hi.