Lungdamna Laisiangtho Mark 10:28-31 sungsimna (28.5.2024 , Tuesday)

Catholic Nisim Lungdamna Laisiangtho Mark 10:28-31 sungsimna -------------- 28. Peter in ama kiangah, “En in, kote in ka neihsa khempeuh uh nusia-in nang kong zui uh hi,” a ci hi.

29. Jesu in, “Ken a man takpi kong genin ah, kei hang ahi zongin, lungdamna thu hang ahi zongin a inn, a sanggampate, a sanggamnute, a nu, a pa, a tate le a lote a nusia peuhmah in,

30. tu khang hunin bawlsiatna tawh innte, sanggampate, sanggamnute, nute, pate, tate, lote a zah za khat ngah loin omlo dinga, nung ciangin hong piang ding hunah zong nuntak tawntungna ngah loin om lo ding hi.

31. Ahi zongin a masa mi tampite nunung ding uh a, a nunung mi tampite a masa ding uh hi,” a ci hi.

Hi in Topa' Lungdamna Laisiangtho ahi hi.