Lungdamna Laisiangtho Lk 9:51-56 sung simna

 Luke 9:51-56 51. Vantung ah kilaktoh ding hun a tun’ kuan ciangin, Jesu in Jerusalem khua lam manawhin a pai hi.

52. A mai ah kamtaite a paisak hi. Amaute pai uh a, Jesu’ aading mun bawl khol dingin Samaria khuaneu khat ah a lut uh hi.

53. Ahi zongin Jerusalem manawhin amah pai ahih manin tua khua mite in amah na sang lo uh hi.

54. Topa’ nungzuipi James le John-te in hih thu a muh uh ciangin, “Topa aw, vantung panin meikuang kiasukin amaute a katna dingin sam le-ung nong awi hiam?” ci-in a dong uh hi.

55. Ahi zongin Jesu kihei-in amaute a taai hi.

56. Tua ciangin amaute khua dang khat ah a pai uh hi.

Hi in Topa' lungdamna Laisiangtho ahi hi.