Lungdamna Laisiangtho John 17:1-11 Simna May 23 2023 Tuesday

Catholic Nisim Laisiangtho Simna

Paska Hun Nipi kaal (7)na

Lungdamna Laisiangtho

John 17:1-11

23.5.2023

Tuesday

*************

1. Jesu in hih thute a gen khit ciangin vantung lam ento-in thungen a: “Pa aw, a hun hong tung ta hi. Tapa in nang hong minthansakna dingin, na Tapa hong minthangsak in.

2. Tapa’ khut sunga na piaksa mi khempeuh nuntak tawntungna a piak theihna dingin mi khempeuh tunga thuneihna Tapa’ tungah na pia hi.

3. Tua ciangin Pasian taktak khat ahi, nangmah le nong sawlpa Jesu Christu amaute in a theihna in nuntak tawntungna ahi hi.

4. Ka sep dinga nong piak na khempeuh sem khin zo ka hih manin keimah in leitung ah na min ka thangsak khin zo hi. *

5. Tua ahih manin tu-in nang tawh i neih khop minthanna tawh na omna munah kei hong minthangsak in.

6. “Leitung pan teelkhia-in kei nong piaksa mite’ tungah keimah in na min ka pulakkhia khin zo hi. Nangmah in amaute kei nong pia zo a, amaute in na thu a zui uh hi.

7. Tu-in amaute in kei nong piak khempeuh nangma kiang pana hong pai hi, ci-in a thei ta uh hi.

8. Bang hang hiam cih leh, kei nong piak thute amaute ka pia hi. Amaute in hong sang uh a, nang kiang pana hong pai ka hihna amaute in hong thei takpi ta uh hi. Kei nong sawl zong amaute in hong um uh hi.

9. Keimah in amaute’ aading thu kong ngen hi. Leitung’ aading thu ka ngen kei hi. Ahi zongin nong piaksate in nangma aa ahih manin amaute’ tangin thu kong ngen hi.

10. Keima neihsa khempeuh nangma aa ahi hi. Nangma neisa khempeuh keima aa ahi hi. Amaute’ hangin minthanna ka ngah hi.

11. Tu-in nangma kiangah kei kong pai ta dinga, hih leitung ah ka om nawn kei ding hi. Ahi zongin amaute leitung ah a om lai ding uh hi. A Siangtho Pa aw, nang le kei pum khat ihih mah bangin, kei nong piaksa ahi amaute zong pum khat a suahna dingun nangma min tawh amaute na kem in.

Hih in Topa' lungdamna laisiangtho ahi hi.