Lungdamna Laisiangtho John 16:5-11 sungsimna (7.5.2024 , Tuesday)

Catholic Nisim Lungdamna Laisiangtho. Thawhkik Pawi Nipi Kaal (6) na. 7.5.2024 (Tuesday): John 16:5-11, .......... 5. Tu-in ahih leh kei hong sawlpa’ kiang ah ka pai ta ding hi. Ahi zongin, ‘Koi lai-ah pai ding na hi hiam?’ ci-in note’ lakah khat beek in nong dong kei uh hi.

6. Keimah in hih thute note’ kiangah kong gen manin, na lungsim uh a dah hi.

7. Ken a man takpi kong genin ah, kei ka paikhiat leh, note’ phattuamna ding ahi hi. Bang hang hiam cih leh, kei ka paikhiat kei leh, note’ kiangah Palai hong pai lo ding hi. Ahi zongin ka paikhiat leh, note’ kiangah amah kong sawl ding hi.

8. Amah hong pai ciangin, hih leitung’ kiangah mawhna, dikna le thukhenna thute teltakin a pulak ding hi.

9. Mawhna thu i cih ciangin amaute in kei hong uplohna uh ahi hi.

10. Dikna thu i cih ciangin Pa’ kiangah kei ka pai dinga, note in kei nong muh nawn lohna ding uh ahi hi.

11. Thukhenna thu i cih ciangin hih leitung ukpa in thukhenna a thuak khitna thu ahi hi.

Hi in Topa' Lungdamna Laisiangtho ahi hi.