Luke 11:37-41 sung bulphuh in Kha-an vakna (Oct.17,2023) Tuesday

Hun Nautaang Nipi (28) Na. 17.10.2023 (Tuesday) ni Rev. Fr. Maximuan Mungpi tungpan kha-an vakna, Luke 11:37-41........37. Tua bangin Jesu in thu a gen laitakin Pharisee-te khat in amah an nekpih dingin a sam hi. Tua ciangin amah pai-in sabuai ah kingamin a tu hi. 38. Jesu in an a nek ma-in khut a sil loh lam Pharisee-pa in a muh ciangin lamdang a sa hi.

39. Tua ciangin Topa in ama kiangah, “No Pharisee-te in hai le kuangte a pualam na silsiang uh hangin na sunglam uh huaihamna le gitlohna tawh a kidim hi.

40. No mihaite aw! A pualam a bawlpa in a sunglam zong bawl hilo ahi hiam?

41. Tua ahih manin na lungsim sung uh-a om tawh kizui-in citpiakna na pia un. Tua bang na hih uh leh, note’ aadingin na khempeuh a siangtho ding hi.

Hi in Topa' lungdamna Laisiangtho ahi hi.

#RVA, #Kalaydiocese, #Homily,