A kiging sa in ih om ding thupi hi.

Tuni Lungdamna Laisiangtho sungah Topa Jesu in a kiging sa in ih om na ding hong gen hi. Amasa in eite pen Pasian nasemte hi hang cih ki phawk sak nuam hang.
Ih nuntakna pen ei a hi lo-in, Topa a ahih manin ka sih ding pen mantakin ka thei hi. Ahun leh bang ci sih ding ka thei kei hi ci-in ih thungetna mah bangin ih sih hun ding thei lo, sih ding cih thei ih hih manin ka nuntakna Topa’ hong la leh kei Topa kiang ka tung tam, koi lam ka tawn tam ci a, hoih takin thuman thutak te ngaihsun in, kan telin Topa deihna bangin ih nuntak ding, Topa deihna ih up khit teh zui-in ih nuntak pih ding, mite ading in thupha ih hih zawh nading, na lianpi ih sep zawh na ding, a kigingkhol sa in ih om nading in Topa’ hong deih hi.