Jesu, Vantung ah akahtohna pawi .Lungdamna Laisiangtho Mk 16; 15-20 sungsimna (12.5.2024 , Sunday)

Jesu, Vantung ah akahtohna pawi .Lungdamna Laisiangtho Mk 16; 15-20 sungsimna (12.5.2024 , Sunday) 15. Tua ciangin Jesu in amaute’ kiangah, “Note leitung mun khempeuh ah pai unla, mi khempeuh kiangah lungdamna thu na tangko un.16. Thu um a, a kituisawpte peuhmah in hotkhiatna a ngah ding uh hi. Ahi zongin a um lo peuhmah in mawhsakna a ngah ding hi.17. Thu um mite’ tungah hih na lamdang a piang ding hi: Amaute in keima min tawh dawite hawlkhia ding uh a, kampau a thakin a pau ding uh hi.18. Amaute in gulte khut tawh man ding uh a, sih theihna gu a dawn uh hangin bangmah ci lo ding uh hi. Cinate’ tungah a khut uh nga ding uh a, amaute a dam ding uh hi,” a ci hi.19. Topa Jesu in amaute’ kiangah vaikhakna a gen khit ciangin amah vantung ah kahto a, Pasian’ taklam ah a tu hi.20. Tua ciangin nungzuipite paikhia uh a, lungdamna thu mun khempeuh ah a tangko uh hi. Topa in amaute ompihin, na semkhawm a, amaute’ tangkonate thuman ahihna thu teci a lahna dingun na lamdang vangliatnate tawh huhin a kem hi.Hi in Topa' Lungdamna Laisiangtho ahi hi.