Hun Nautang Nipi (2)na, Sunday ni Siadaw Felix tungpan

Samuel a khiatna in Pasian kiangpan ka nget thupha a cih na hi. Kamciam ih neih leh kamciam bangin sem ni. Samuel tungah Eli siampi za hong ki pia hi. Pasian thupha pen gamluah bangin hongpai hi lo in thalawh kul ahih lam phawk ni. Tuni in Topa in Samuel a sap bangin nang leh kei zong hong sam hi. Pasian nanep pen ut thu leh hanciam thu bek tawh a hi thei hi lo hi. Thungen in kipanpih ciat ni. John in a sanggampa Jesu kiangah hong sam hi. Peter in zong a sanggampa Jesu kiangah hong paipih hi. Gupkhiatna thupen midangte tungah zong ih hawp sawn ding hong theisak hi. Andrew te lawmta in Jesu kiangah koiah om na hi hiam ci hi. Jesu in hongpai un la hong en un ci hi. Topa Jesu in ih nuntakna sungah mun a ngah hiam? Eiten zong Topa ih en zelzel hiam? Ei thuzuite in Pasian pen a zong leh a mu te hih ding thupi mahmah hi. Petru in Topa aw kote pai le ung koi ah tungding ka hi hiam a cih mah bangin eiten zkng Topa bek ih muan ding ki sam hi.