Homily by Rev.Paul Muan Lian

Tuni Lk 21:29-33 ciang isim hi. Tuni Laisiangtho in ah eite sung ah bang teng pian a, eite kim leh pam ah bang teng pian hiam cih eite in ah pilvang tak a amu akan te leh a ki ging khol te I hih ding tuni laisiangtho in ah eite hong phawk sak hi. Pasian in ah eite kim leh pam aom nate ama bawl sa na te tungtawn pan in ah I nisim nuntak na te tungtawn pan in ah, ama ii deih nate eite tungah hong lak in ah, eite hong theisak tawntung hi. Eite in ah upna mit tawh tua nate I et theih ding kisam hi. Tua man in ah tua upna mit tawh eiten ah ih muh theih loh man in, I nuntak na sung ah athupi na te bang te hiam cih eite I ah mu thei nawn lo in ah, lam khial in ah, eite in ah iom thei hi ci tuni laisiangtho in eite hong phawk sak hi. Tua man in leitung na te ahi zong ineih ilam ahi zong in, ideih isap te in ah, eite I zuih ding , eite I nuntak na bulpi te inuntak na ah aman pha te Pasian deih na te imuh theih loh na ding ah tua te in ah hong liah thei hi . hong nawng kai sak thei hi. Leitung ii hong piak nate, leitungna tetawh I ki diah tak ciang in, tuate ii tuam cip na te tawh i om tak ciang in, I kha ii nuntak na te, I kha thu te ah eite in ah lam khial in ah, awlmawh lo in I om hi. Tuni in ah , inuntak na sung ah, nung tak na bulpi nuntak na ii khiat na te tung ah, a thupi na te tung ah Pasian deihna tung ah ilungsim ngaih sut na te I ngak theih na ding in ah eite I ki puah phat deih na ding tuni in Topa in hong deih hi. Pasian in ah ii nuntak na te sung ah, mun khem peuh ah, hun khempeuh ah ama bawlsa na te tung tawn in ah, eite thu hong gen tawn tung hi. Tuni Laisiangtho sung ah Thei kung leh Sing kung khempeuh na en un, a teh no te hong sel ciang in, khua khial hun hong nai ta hi cih,no te in ah na thei uh hi. Tua mah bang in hih na te apiang na muh uh ciang in, Pasian gam hong nai ta hi cih in na thei taun, kim leh pam aom na te , Pasian bawlsa nate ii pian nate, ii et nate tungtawn pan in ah mailam ah bang thu piang thei ding, mailam ah ei bang ci ki gen khol ding na theiding hiam cih Topa I eite tung ah hong gen khol hi. Pasian in ah mun khem peuh ah om hi. Eite tawh om khawm Pasian ahi hi. Pasian inah ama bawlsa na te tung tawn pan, eite thu hong hilh lam hong lak tawn tung hi. A hi zong in ei te in ah tua te I awl mawh loh na, tua te I theih loh na in ah bang hang ahi hiam, Pasian a dingin I hun I vai te, a hun te eite in ipiak zawh loh man ahi hi.Thunget ding hun a hi zong in, laisiangtho sim hunding ahi zong in, Pasian thu lungngaih ding hun ahi zong in, khi khin ding hun ahi zongin, siangtho pumpi biak ding hun ahi zongin, hun I piak zawh loh hangin, nopna hi zongin, zu leh sa ahi zong in, Video TV internet Facebook te a hi zong in, I zat na ding te ah ei te in zong hun tampi tak I pia hi. Tuni in ah tua bang te tawh I hun te mawk bei sak lo in ah,Tuni in ah inuntak na ah akisam ahi eite I nuntak na I kha nuntak na, Pasian tawh I kigawm theih na ding Pasian I hong deih na te bang te hiam cih eite in ah I tel theih na ding, Pasian te eite in ah I hun te I zat ding, kisam hi, I lung ngaih ding ki sam hi. Tuni, Tuhun ei te inah, mai lam thupiang na te thei nuam hang, theih ding kisam hi cih in ah eite in ah Pasian tawh ki pawl khawm lo zaw in ah, khut lam et na te ahi zong in, mai lam thupiang na te gen thei te tung ah ahi zong in, ki nga in ah ei te mai lam thu te, ki khual in ah ki ging kholh sawm hi hang, tua in Pasian deih loh nate ahi hi. Lai siangtho sungah Topa in ah bang gen hiam,Thuhilh na 18:10-12, Siampi 19:26 tua te sung ah bang gen hiam cih leh note in, bum leh ai sa na, na sep in na nei kei ding uh hi. No te lak ah atanu a tapa ahi zong biakna I mei sung ah akhul , ai asan , khong a khai, mai lam thu a gen bum a zang, ai a tawi , van a kah si kha te tawh ki ho, si kha te thu a dong kua ma na dong kei ding uh hi ci in ah Topa in ah thu hilh na laisiangtho sung ah na gen hi. Tua hi leh ei te mai lam thu piang thei na te thei in ah, I ki gin kholh theih nading ni ah, bang zang ding I hi hiam, Tuni laisiangtho sung ah Topa in ah eite hong gen hi. Van tung leh Lei tung a mang thang ding hi. Ahi zong in, ka thu te a mang thei ngei kei ding hi. Ama thu te Misiangtho John in ah, a kipat cil in thu aom hi. Tua thu in ah Pasian tawh om khawm in ah, Tua thu in ah Pasian ahi hi. Tua Pasian a ma thu in ah mangthang ni nei ngei lo ding hi. Tua thu koi ahom hiam Laisiangtho sung ah om hi. Mai lam thu piang te Mai lam lungnop na te in ngah nop leh nuntak a dim tak in I ngah nop leh, lungnop na aki cing in ingah nop leh, ama kam mal ama thu sung ah om hi. Cih thuni in ah Topa in ah eite hong gen hi. 2Timothy 3:1-15 na sung ah sim le hang Misiangtho Paulu in ah Timothy kiang ah ni tawp hun ding tak ciang in, thu piang ding te na gen in ah, a tawp na ah bang gen hiam cih leh, Jesu Christu sung ah up na tung tawn in hot khiat na hong ngah sak thei pilna hong pia laisiangtho na neu tung aki pan bangci theih khiat cih thu zong na phawk gige in, um na tung tawn in hong khiat na hong ngah sak thei pil na hong pia tua Laisiangtho na hi gige hi. Tua Laisiangtho Pasian kammal , Pasian thu tawh I nuntak ding, tuni in ah ei te mai lam ah thupiang ding thu te I ki gin kholh theih na ding in ah , tua laisiangtho tawh I nuntak khop ding, a ma kammal tawh amah tawh I nuntak khop theih ding, tua in ah ei te hong mang thang sak lo ding a, nuntak tawn tung na hong pia ding hi ci-in, Topa in ah ei te hong gen hi. Tua hi man in John 10:10sung ah amau te in nuntak na ngah tham lo in, nuntak na a dim tak a, a ngah na ding in hong pia ka hi hi. John 15:11 na sung ah, ka lung nop na nong te sung ah aom theih na ding ahi zong in, No te lungnop na aki cing theih na ding ahi zong in, hi thu te no te tung ah kong gen zo hi. Nuntak na adim takin I ngah theih na ding leh, lungnop na akicing theih na ding in, tua Topa thu ahi , Topa Jesu Pasian in ah eite tawh hong om khawm tawn tung hi. Tua nuntak na adim tak in ingah theih na ding leh, lungnop na akicing in a tawn tung in ngah na ding, in ah koi lai mun san tak ah om hiam Tua thu a hi Topa tawh ei te I ki pawl khawm ding a, tua Topa I kam mal tua thu te, tua thu te thei in inuntak pih ding ki sam hi. Tua hi leh mailam thu piang na thu te ah, ei te lungmuan tak in a ki ging khol sa te ahi ding hi cih tuni laisiangtho in ah ei te tha hong pia hi cih phawk ciat ni.