"Deihgawh luatna in hong patau sak hi"

Hun Nautaang Nipi (27) Na, Sunday (October 4, 2020) Homily by Bishop Felix

Deihgawh luatna in hong patau sak hi. Deihgawhna leh huaihamna te in Pasian deihna tawh ki kelki hi. Pasain tungah muangin om tawntung ding. Deih luatna leh lung hi mawh cih in Pasian tungah ki nga lo cih na hi. St. Paul in thu ngen aa nisim lungdamvih koh detdingpen eite lungsim puakzia ding ahi hi. Ih Pasian upzia in hong tawsawn tawntung hi. A thuman a thutak cih leh a pahtaak huai cih in nang leh kei in ngaih sut huia pha mahmah hi. A thuman in Pasian deihna tawh a kituak ahi hi. Theih huai thu om in a zahtak huai leh a deih huai thu om hi. Hihte ih lungsim sungah a om kei leh kimanna a om lo cih zong ki hi ding hi. Pasianin Israel mite tungah a piak thupha pen amau hoih loh na hangin ei mitangte tungah hongtung hi. Thupha ih ngahna dingin gemtatna tawh thalawh kul hi.Zekai mahta leh ngah veve hi. Hun lap veve hi. Pasian in Israel mite tung aa a kamciam te pelh ngei lo hi. Amaute in Pasian kamsangte khatkhit khat that uh hi. Pasian in a ki khelna dingun kamsangte sawl in a it mahmah a Tapa na gawn Israel te in that uh hi. Christu tawh kipawl theihna in bang hiam? A cimawh mite leh a kisam mite huhna hi.