Catholic Nisim Lungdamna Laisiangtho. Zehtan hun Nipi Kaal (5) Na. 19.3.2024(Tue)

Luke 2:41-51
41. Kum simin a nu a pate in Paisan Pawi sim dingin Jerusalem khua ah a pai uh hi.

42. Jesu kum sawm le kum nih a phak ciangin ngeina om bangin Paisan pawi sim dingin a paito uh hi.

43. Pawi man khit amaute a ciah laitakun Jerusalem khua ah naupang Jesu a taam lai hi. Ahi zongin a nu le a pa in tua thu thei lo uh hi.

44. Amaute in naupang Jesu pen khualzin mite tawh tonkhawmin ngaihsun uh a, ni khat lam a pai khin uh hi. Tua khit ciangin a tanaute le a lawmte’ lakah amah a zong uh hi.

45. Amaute in amah a muh loh uh ciangin a zong dingin Jerusalem khua ah a kileh kik uh hi.

46. Ni thum khit ciangin naupang biakinnpi sungah lai siangtho siamte’ lakah tu-in amaute’ thugen ngai-a thu dongin a om laitak a mu uh hi.

47. Ama pilna le a dawn kiknate a za mi khempeuh in lamdang a sa mahmah uh hi.

48. A nu le a pa in amah a muh uh ciangin lamdangsa uh a, a nu in ama kiangah, “Ka ta aw, bang hangin kote hih bangin hong bawl na hi hiam? En in, na pa tawh dahin ka lunghimawh uh a, nang kong zongzong uh hi,” a ci hi.

49. Jesu in amaute’ kiangah, “Bang hangin kei hong zong na hi uh hiam? Ka Pa’ inn-a a om ding mah ka hih lam thei lo na hi uh hiam?” a ci hi.

50. Ahi zongin Jesu in amaute’ tungah bang gen cih theitel zo lo uh hi.

51. Tua khit ciangin amah in amaute tawh ciahsuk khawm a, Nazareth khua ah tungin amaute’ thu mangin a om hi. A nu in hih thu khempeuh a lungsim sungah a kemcing hi.

Hi in Topa' Lungdamna Laisiangtho ahi hi.