Catholic Nisim Lungdamna Laisiangtho. Thawhkik Pawi Nipi Kaal Nihna. 13.4.2024 (Sat)

John 6:16-21
16. Nitak hong tun ciangin a nungzuipite tuili ah paisuk uh a,

17. gunkuang ah tuangin Capernaum khua lamah tuipi kantan ding a kipan uh hi. Tua hunin khua mial ta a, amaute’ kiangah Jesu tung nai lo hi.

18. Huih nakpi-in nung ahih manin tui a kilok hi.

19. Amaute in tai thum tai li bang a hot khit uh ciangin gunkuang lam manawhin Jesu, tui tunga hong pai mu uh a, a lau mahmah uh hi.

20. Ahi zongin Jesu in amaute’ kiangah “Keimah ka hi hi. Lau kei un,” a ci hi.

21. Tua ahih manin amaute zong lungdamin gunkuang tungah amah a tuangsak uh hi. Gunkuang in amaute’ pai nopna mun thakhatin a tun’ hi.

Hi in Topa' Lungdamna Laisiangtho ahi hi.