Catholic Nisim Lungdamna Laisiangtho. Thawhkik Pawi Nipi Kaal (6) na. 6.5.2024 (Mon)

John 15:26-16:4

26. “Pa’ kiang pan note’ kiangah kong sawl ding, Pa’ kiang pana hong pusuak Palai ahi, thuman thutak’ Kha Siangtho hong pai ciangin, amah in kei’ tangin teci a pang ding hi.

27. Note zong a kipat cil a kipan kei tawh om khawm na hih manun note zong a theihpih tecite na hi ding uh hi.

1. “Note na puk lohna dingun hihte khempeuh kong genkhol hi.

2. Amaute in kikhopna inn sung pan note hong hawlkhia ding uh hi. A taktakin note hong that mi khempeuhte in Pasian’ tungah biakapna na sem a, a kingaihsut hun uh hong tung ding hi.

3. Tua ciangin amaute in ka Pa thei loin kei zong hong thei lo uh ahih manin tua bangin ahih ding uh hi.

4. Ahi zongin a hun hong tun ciangin kong gensa hih thute na phawkkikna dingun tu-in kong genkhol hi.

Hi in Topa' Lungdamna Laisiangtho ahi hi.