Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Catholic Nisim Lungdamna Laisiangtho. Siangtho Kigin Ni. 8.4.2023(Sat)
Matthew 28:1-10
1. Sabbath ni khit nipikal ni masa pen ni, phalvak tungin Mary Magdalene le a dang Mary-te han hawh dingin a pai uh hi.
2. Tua ciangin thakhatthu-in zin nakpi-in a liing hi. Bang hang hiam cih leh, Topa’ vantung mi khat in vantung panin hong kumsuk a, tua han kongvang hukna suangtumpi likkhia-in a tungah a tu hi.
3. Ama maitang khuaphialep tawh kibang a, a puante zong vuk bangin a ngo hi.
4. Han cingte in amah kihta mahmahin liing uh a, misi tawh a kibang uh hi.
5. Ahi zongin vantung mi in numeite’ kiangah, “Lau kei un, singlamteh tunga a kithat Jesu a zong na hih lam uh ka thei hi.
6. Amah hih lai-ah om nawn lo hi; bang hang hiam cih leh a gensa mah bangin amah thokik zo hi. Hong pai unla, a kisialna mun hong en un.
7. Tua khit ciangin pai mengmeng unla, ‘Sihna pan thokik a, note’ mai, Galilee gamah a pai hi; tua lai-ah amah na mu ding uh hi,’ ci-in a nungzuipite’ kiangah va gen un. Hih in note’ aadingin lungdam thu ahi hi,” a ci hi.
8. Tua ahih manin numeite lau le nuam mahmah thuahin han panin a nungzuipite’ kiangah tua thu ko dingin manlang takin a tai uh hi.
9. Jesu in amaute thakhatin na dawntuah a, “Note na cidam ta un,” ci-in a hopih hi. Tua ciangin amaute in Jesu’ kiangah hong pai uh a, a khe kawi-in a bia uh hi.
10. Tua khit ciangin Jesu in amaute’ kiangah, “Lau kei un. Pai unla, ka sanggamte Galilee ah a pai dingin va gen un; tua lai-ah kei hong mu ding uh hi,” a ci hi.
Hi in Topa'n Lungdamna Laisiangtho ahi hi.
Add new comment