Catholic Nisim Lungdamna Laisiangtho. Misiangtho Stephen pawini. 26.12.2022(Mon)

Matthew 10:17-22
17. Ahi zongin kigingsa-in om gige un; bang hang hiam cih leh, amaute in note zumah hong tun ding uh a, kikhopna inn sungah note hong sat ding uh hi.

18. Keima hangin gam ukte le kumpite’ mai-ah note hong kipuak ding hi. Hih bangin note in amaute le gentile mite’ tungah ka teci na hi ding uh hi.

19. Amaute in note hong mat uh ciangin, note in bang genin, bangci ding cih na lungkhampih kei un. Na gen ding uh thute tua hun ciangin na thei ding uh hi;

20. bang hang hiam cih leh, thugen ding note na hi kei uh a, na Pa uh’ Kha Siangtho in note’ tungtawnin thu a gen ding ahi hi.

21. Unau khat le unau khat a sih theihna dingun kilehhek ding uh a, pa in a ta a sih theihna ding lehhekin, tate in zong nu le pate langpanin khat le khat kileh hekin a kithatsak ding uh hi.

22. Note in keima min hangin mi khempeuhte’ muhdahna na thuak ding uh hi. Ahi zongin a tawp dongin a kipte in hotkhiatna a ngah ding uh hi.

Hi in Topa' Lungdamna Laisiangtho ahi hi.