Catholic Nisim Lungdamna Laisiangtho. Matthew 5:38-48 Sung simna (Feb.19.2023)

Matthew 5:38-48, 38. “ Note in, ‘Mittang khat tangin mittang khat, ha tang khat tangin ha tang khat,’ ci-in a kigenna thu na za khin uh hi. 39. Ahi zongin note’ tungah kong genin ah: no hong bawlsiate na thukkik kei un. Mi khatpeuh in na paang taklam hong bet leh a lang lam zong na dawh lai un. 40. Mi khatpeuh in na puanak hong deihgawh manin thusia hong zon leh na puantungsilh zong na pia thuah lai un. 41. Mi khatpeuh in zawhthawh thu-in tai khat hong paipih leh tai nih dong na zui un. 42. Mi khatpeuh in na hong nget leh pia unla, na kiangah na hong leiitawite pia loin om kei un. 43. “ ‘Na vengte it unla, na galte mudah un,’ ci-in a kigenna thu na za khin uh hi. 44. Ahi zongin ke’n kong genin ah, na galte na it unla, hong bawlsiate’ aading thu na ngetsak un. 45. Tua hi leh vantunga om na Pa uh tate na hi ding uh hi. Bang hang hiam cih leh miphate le misiate’ tungah ni tangsak a, midikte le migilote’ tungah guah a zusak hi. 46. Tua ahih manin no hong itte bek it le uh cin, bang phattuamna ngah ding na hi uh hiam? Siahdongte nangawn in tua bangin hih uh hilo ahi hiam? 47. Na sanggamte bek uh hopih le uh cin midangte’ sangin na hoih zawkna uh bang om ding ahi hiam? Gentile mite nangawn tua bangin gamta uh hilo ahi hiam? 48. Tua ahih manin vantunga om na Pa uh a kicin mah bangin note zong na kicing ta un. Hih in Topa' Lungdamna Laisiangtho ahi hi. #RVA, #RVAZomiChinService, #KalayDiocese, #DailyBibleReading,

Add new comment

2 + 13 =