Catholic Nisim Lungdamna Laisiangtho. Lk 24: 46 - 53 (May 29. 2022)

46. Amah in amaute’ kiangah, “Christu in sihna thuakin a ni thumna ni-in thokik dinga;

47. Jerusalem pan kipankhia-in, ama minin minam khempeuhte’ tungah kisikkikna le mawh maisakna thu a kitangko ding hi,” ci-in kigelh hi.

48. Hih thute ah note teci na hi uh hi.

49. En un, keimah in ka Pa hong kamciamsa note’ tungah kong sawl ding hi. Tua ahih manin tung lam panin vangliatna na silh matengun, hih khuapi ah na taam lai un,” a ci hi.

50. Tua khit ciangin amah in Bethany khua dongah amaute paikhiatpih a, a khut lamto-in amaute thupha a pia hi.

51. Amaute thupha a piak laitakin, amaute’ kiang pan amah paikhia a, vantung aha kahto hi.

52. Amaute in Jesu a biak khit uh ciangin lungdam kipakin Jerusalem khuapi ah ciah uh a,

53. Pasian phatin biakinnpi sungah a tawntungin lungdam a ko uh hi.