Catholic Nisim Lungdamna Laisiangtho. Jn 15: 9 - 17 (May 14. 2022)

9. Pa in kei hong it bangin keimah in note kong it hi; ka itna sung ah om un.

10. Keimah in ka Pa’ thupiakte zui a, hong itna sungah ka om mah bangin, note in ka thupiakte na zuih uh leh, ka itna sungah na om ding uh hi.

11. Ka lungnopna note’ sungah a om theihna ding ahi zongin, note’ lungnopna a kicin theihna ding ahi zongin hih thute note’ tungah kong gen zo hi.

12. “Hih in keima thupiak ahi hi: Keimah in note kong it mah bangin note khat le khat na ki-it un.

13. Kuamah in a lawmte’ tang ding sih ngamna sanga itna lianzaw a nei kuamah om lo hi.

14. Note in ka thupiak bangin na zuih uh leh, ka lawmte na hi uh hi.

15. Keimah in tu-a kipanin note sila kong ci nawn kei ding hi. Bang hang hiam cih leh, silate in a topa’ sepnate a thei kei uh hi. Ahi zongin Keimah in note, lawmte kong ci khin hi. Bang hang hiam cih leh, ka Pa’ kiang pan ka zak thu khempeuh note kong theisak khin zo hi.

16. Note in kei nong teel kei uh a, keimah in note kong teel hi. Note pai-a gah gahin, na gah uh a kip tawntungna ding le keima min tawh Pa’ kiangah na nget khempeuh uh amah in hong piakna dingin keimah in note kong koih khin zo hi.

17. Note khat le khat na ki-it un, cih thupiak kong pia hi.

Add new comment

14 + 4 =