Catholic Nisim Lungdamna Laisiangtho. Hun Nautang Nipi Kaal (29) Ni. 22.10.2023(Sun)

Matthew 22:15-21
15. Tua khit ciangin Pharisee-te paikhia uh a, Jesu a kampau tawh a mat theihna dingin a kikum uh hi.

16. Tua ahih manin amaute in a nungzuite uh le Herod’ pawlte a kiangah a sawl uh hi. Tuate in, “Sia aw, nang in thuman thutak genpa na hi hi. Kuamah na kihta kei a, mi maitang zahtak loin Pasian’ thu a tang takin na hilhna thu ka thei uh hi.

17. Tua hi-a Caesar# tungah siah piak tuak hiam? Piak tuak lo ahi hiam? cih na ngaihsutna hong gen in,” ci-in a dong uh hi.

18. Ahi zongin Jesu in amaute’ gitlohna a theih ciangin, “No mi hoih a kineihte aw, bang hangin kei hong thangsiah na hi uh hiam?

19. Phiangsiah dinga kipia dangka hong lak un,” a ci hi. Amaute in dangka san peek khat a lak uh hi.

20. Tua ciangin Jesu in amaute’ kiangah, “Hih kua lim hi a, hih kua min ahi hiam?” ci-in a dong hi.

21. Amaute in, “Caesar’ lim le min ahi hi,” a ci uh hi. Tua ciangin Jesu in, “Caesar tawh kisai nate Caesar’ tungah pia unla,

22. Pasian tawh kisai nate Pasian’ tungah pia un,” a ci hi.

Hi in Topa' Lungdamna Laisiangtho ahi hi.