Catholic Nisim Lungdamna Laisiangtho. Hun Nautang Nipi Kaal (29) Na. 28.10.2023(Sat)

Luke 6:12-16
12 Tua ni hunin thungen dingin mual tungah Jesu kahto a, zan tawntung Pasian’ kiangah thu ngenin a om hi.

13 Khua a vak ciangin a nungzuite sam a, sawm le nihte teelkhia-in, ‘Nungzuipite’ ci-in min a pia hi.

14 Tuate in: Peter kici Simon le a sanggampa Andrew, James le John, Philip, Bartholomew,

15 Matthew, Thomas, Alphaeus’ tapa James, Zealot kici Simon,

16 James’ tapa Judas le Jesu a lehhekpa Judas Iscariot-te ahi uh hi.

Hi in Topa' Lungdamna Laisiangtho ahi hi.