Catholic Nisim Lungdamna Laisiangtho. Hun Nautang Nipi Kaal (26) Na. 1.10.2023(Sun)

Matthew 21:28-32
28. “Note in bang ci ngaihsun na hi uh hiam? Mi khat in tapa nih nei a, a ta masa kiangah, ‘Ka ta aw, tuni-in leenggah huan ah va kuan inla, na va sem in,’ ci-in a sawl hi.

29. Amah in, ‘Ka kuan kei ding hi,’ a cih hangin, a den ciangin a lungsim kikhelin a kuan hi.

30. Tua ciangin a nihnapa’ kiangah tua mah bangin a sawl hi. Amah in, ‘Pa aw, ka va kuan ding hi,’ ci napi-in kuan lo hi.

31. Tuate nih lakah kua in a pa’ deihna zui zaw ahi hiam?” a ci hi. Amaute in, “A ta masa pen in a zui hi,” a ci uh hi. Jesu in amaute’ kiangah, “Ken a man takpi kong genin ah, siahdongte le numei paktatte(c) in Pasian’ gamah note’ ma-in a lut masa ding uh hi.

32. Bang hang hiam cih leh note’ kiang ah John in dikna lam hong lak dingin hong pai hangin na um kei uh hi, ahi zongin siahdongte le numei paktatte in amah a um uh hi. Note in hih thu na muh khit uh nangawnin na lungsimte uh na khel kei uh a, amah na um kei uh hi,” a ci hi.

Hi in Topa' Lungdamna Laisiangtho ahi hi.