Catholic Nisim Lungdamna Laisiangtho. Hun Nautang Nipi Kaal (23) Na. 16.9.2023(Sat)

Luke 6:43-49
43 “Singkung hoih in gah hoih lo gahlo a, singkung hoih lo in gah hoih gahlo hi;

44 bang hang hiam cih leh singkung khempeuh a gahin kithei hi. Ling kung panin mite in thei gah lo ngei lo uh a, sialtal ling kung panin leenggah lo ngei lo uh hi.

45 Mi hoihpa in a lungsim sunga thu manphate hong pulakkhia a, mi hoihlopa in a lungsim sunga a hoihlote hong pulakkhia hi; bang hang hiam cih leh lungsim sungah a dimlet ciangin kamin kipaukhia hi.

46 “Note in bang hangin ‘Topa, Topa, hong ci napi, ka gen bangin hih lo na hi uh hiam?

47 Ka kiangah hong pai-in ka thu za-a, a zuite bang tawh kibang ahi hiam, cih kong gen ding hi,

48 Thukpi a tawh khit ciangin suangpi tungah bulkip a phut innlampa tawh kibang hi. Tui khanga, tua inn a nawk hangin kiptak a kilam ahih manin tua inn a lok zo kei hi.

49 Ahi zongin ka thute za napi a zui lote, bulpi a nei lo leilak a inn a lampa tawh kibang hi. Tui khanga tua inn a nawk ciangin thakhatin a puk hi. Tua inn’ siatna in siatna lian mahmah ahi hi,” a ci hi.

Hi in Topa' Lungdamna Laisiangtho ahi hi.