Catholic Nisim Lungdamna Laisiangtho. Hun Nautaang Nipi Kaal (6) Na. 13.2.2024 (Tue)

Mark 8:14-21
14. Tu-in a nungzuite in gunkuang sungah a neihsa uh khomun pum khat longal an puak ding a mangngilh uh hi.

15. Jesu in, “Pharisee-te’ silngo le Herod’ silngo kidawm un,” ci-in a hilh hi.

16. A nungzuite in zong, “Eite in khomun i neih loh hang ahi hi,” ci-in amaute khat le khat a kikum uh hi.

17. Tua ciangin amaute’ kikupna Jesu in a theih ciangin, “Bang hangin note in khomun na neih loh uh kikum na hi uh hiam? Tu dongin mu nai lo, telthei nailo na hi uh hiam?

18. Na lungsim uh khauh lai ahi hiam? Note in mit nei napi-in mu lo na hi uh hiam? Bil nei napi-in za lo na hi uh hiam? Note in phawk nawnlo na hi uh hiam?

19. Khomun pum nga mi tul nga’ aading ka balneen lai-in, a neng them seng bangzah dim tawm na hi uh hiam?” ci-in a dot ciangin, “Seng sawm le seng nih,” a ci uh hi.

20. “Tua ciangin khomun sagih, tul li’ aading ka balneen lai-in, a neng a themte seng bangzah dim tawm na hi uh hiam?” ci-in a dong hi. Amaute in, “Seng sagih a pha hi,” ci-in a dawng uh hi.

21. Tua khit ciangin Jesu in amaute’ kiangah, “Telthei nai lo na hi uh hiam?” a ci hi.

Hi in Topa' Lungdamna Laisiangtho ahi hi.