Catholic Nisim Lungdamna Laisiangtho. Hun Nautaang Nipi Kaal (5) Na. 8.2.2023(Wed)

Mark 7:14-23
14. Tua khit ciangin Jesu in mihonpite ama kiangah samkik a, amaute’ kiangah, “Note khempeuh in ka thugen ngai unla, tel un.

15. A pualam pan mihing’ sungah lutin mi a ninsak thei bangmah omlo a, ahi zongin mihing sung pan a pusuakkhiate in mi a ninsak hi.

16. Zakna ding bil a nei peuh in za ta hen,” a ci hi.

17. Mihonpite’ kiang pan Jesu paikhia a, inn sungah a lut khit ciangin, a nungzuite in tua gentehna thu ama kiangah a dong uh hi.

18. Jesu in, “Note in zong tel thei nailo na hi uh hiam? A pualam pana mihing’ sungah a lut na khatpeuh in, mihing a nitsak zawh loh thei lo na hi uh hiam?

19. Bang hang hiam cih leh, a lungtang sungah lut loin a gilpi sungah tumsuk a, gil sung panin pumpi pualam ah pusuakkhia hi,” a ci hi. (Jesu in hih banga a gen ciangin an khempeuh siangtho hi, a ci ahi hi.)

20. Khatvei Jesu in, “Mihing’ sung pana a pusuakkhiate in mihing ninsak thei hi.

21. Bang hang hiam cih leh, a sunglam mihing’ lungtang panin a hoih lo ngaihsutna, nungak tangval mawhna, guktakna, mi thahna,

22. numei le pasal mawhna, huaihamna, muhdahna, zuautatna, thaangtatna, enna, gensiatna, kiphatsakna le haitatnate a pusuakkhia hi.

23. Hih gitlohnate khempeuh a sunglam pana hong pusuakkhia hi a, mihing a ninsak uh hi,” a ci hi.

Hi in Topa' Lungdamna Laisiangtho ahi hi.

Add new comment

2 + 0 =