Catholic Nisim Lungdamna Laisiangtho. Hun Nautaang Nipi Kaal (4) Na. 1.2.2024(Thur)

Mark 6:7-13
7. Jesu in sawm le nihte sam a, kha ninte’ tungah thuneihna pia-in nihta nihta-in a sawlkhia hi.

8. Jesu in amaute’ khualzinna ah ciangkhut simloh an ahi a, thung-ip ahi a, kawnggak sungah sum ahi zongin bangmah a puak lohna ding uh leh,

9. khedap bulhin, puantualpi a silh thuah lohna dingun thu a pia hi.

10. Amah in amaute’ kiangah, “Inn khatpeuh ah na lut uh ciangin tua mun na nusiat mateng uh tua inn ah taam suak un.

11. Mun khatpeuh ah mite in hong nolh a, na thu uh a ngaih nop kei uh leh, amau omna pan na paikhiat uh ciangin, amau lang khatah teci a pang dingin na khe tung uh-a leivuite singkhia un,” a ci hi.

12. Tua ahih manin amaute paikhia uh a, mi khempeuh mawhna pan a kisikna ding thu a tangko uh hi.

13. Amaute in dawi tampi hawlkhia uh a, cina tampite sathau nuhin a damsak uh hi.

Hi in Topa' Lungdamna Laisiangtho ahi hi.