Catholic Nisim Lungdamna Laisiangtho. Hun Nautaang Nipi Kaal (30) Na. 26.10.2022(Wed)

 Luke 13:22-30 22. Jerusalem khuapi zuanin amah a pai kawmin khuapi khuaneute ah thu a hilh hi.

23. Mi khat in Jesu’ kiangah, “Topa aw, mi tawmkha bek in hotkhiatna ngah ding uh ahi hiam?” ci-in a dong hi.

24. Amah in amaute’ kiangah, “Kong kawcik-a lut ding na hahkat un. Bang hang hiam cih leh, mi tampi a lut nop uh hangin a lut zo kei ding uh hi, cih kong gen hi.

25. Inn neipa tho-a, kongkhak a khak khit ciangin, inn pualam ah dingin note in, ‘Topa aw, kote kong hong hon in,’ ci-in kongkhak kiu-in na ngen ding uh hi. Ahi zongin amah in, ‘Note kong thei kei hi; koi pan hong pai cih zong kong thei kei hi,’ hong ci ding hi.

26. Tua ciangin note in, ‘Nang tawh an ne-in tui i dawn khawm a, ka kongzingte uh ah zong nangmah in thu na hilh hi,’ na ci ding uh hi.

27. Ahi zongin amah in, ‘Note kong thei kei hi; koi pan hong pai cih zong kong thei kei hi, no a tatsiate aw, kei kiang pan paikhia un, kong ci hi,’ a ci ding hi.

28. Abraham, Isaac le Jacob-te a kipan, kamsangte khempeuh Pasian’ gam sunga om na muh ciang uh le note in a pualam ah hawlkhiatna na thuak uh ciangin, tua lai-ah kahna le hagawina a om ding hi.

29. Tua ciangin nisuahna, nitumna, leilu, leitaw lam panin mite hong pai ding uh a, Pasian’ gam sunga pawipi’ sungah a tu ding uh hi.

30. A nunungte masa dinga, a masate a nunung ding uh hi,” a ci hi. Hi in Topa' Lungdamna Laisiangtho ahi hi.