Catholic Nisim Lungdamna Laisiangtho. Hun Nautaang Nipi Kaal (21) na. 31.8.2024 (Sat)

Matthew 25:14-30
14. “Tua banah vantung gam in, mi khat khualzin dingin a paikhiat ma-in a nasemte sam a, a neihsate a kemsak mipa tawh kibang hi.

15. Amah in amau’ hih theihna tawh kituakin khat talent nga, khat talent nih, khat talent khat a piak khit ciangin khual a zinsan hi.

16. Talent nga a ngah pa paikhia pah a, summet bawlin a met talent nga mah a ngah hi.

17. Tua mah bangin talent nih a ngahpa in zong, a met talent nih mah a ngah hi.

18. Ahi zongin talent khat a ngahpa in pai-in, lei to-a a topa’ sum a phum hi.

19. Hun sawtpi khit ciangin tua nasemte’ topa hong ciah a, amaute’ sum ciamtehna lai a sittel hi.

20. Tua ciangin talent nga a ngah pa in a dang nga hong tawi thuah a, ‘Topa aw, kei tungah talent nga nong ap hi. En in, hih lai-ah a met talent nga ka ngah hi,’ a ci hi.

21. A topa in ama kiangah, ‘Hoih mahmah hi, a hoih a muanhuai nasempa aw, hoih hi! Nangmah in a thu neute’ tungah na muanhuai zo hi. Thu tampi nang kong uksak ding hi. Na topa tawh lungdam khawm in,’ a ci hi.

22. Talent nih a ngahpa zong hong pai a, ‘Topa aw, kei tungah talent nih nong ap hi. En in, a met talent nih ka ngah thuah hi,’ a ci hi.

23. A topa in, ‘A hoih, a muanhuai nasempa aw, hoih hi! Nangmah in a thu neute’ tungah na muanhuai zo hi. Thu tampi nang kong uksak ding hi. Na topa tawh lungdam khawm in,’ a ci hi.

24. Tua khit ciangin talent khat a ngahpa zong hong pai a, ‘Topa aw, nang mi genhak na hi a, na vawh lohna, na suan lohna munah na at hi; na pawi lohna munah na khopna ka thei hi.

25. Tua ahih manin nang kong kihta a, mun dangah pai-in na talent khat lei sungah ka seel hi. Hih lai-ah na sum teng a om hi,’ a ci hi.

26. Ahi zongin a topa in, ‘A gilo, a thadah nasempa aw, keimah in ka pawi lohna, ka suan lohna munah ka at a, ka vawh lohna munah ka khopna thei takpi na hi hiam?

27. Tua ahih leh ka sum summet na khak lecin kong paikik ciangin, ka sum teng le a met ka ngah khawm thei ding hi.

28. Tua ahih manin, talent khat ama khut sung pan lakhia unla, talent sawm a neipa pia un.

29. Bang hang hiam cih leh, a neite khempeuh kipiak beh dinga, a hau semsem ding uh hi. A nei lote’ kiang pan a neih sunsun nangawn uh kilakkhiatsak ding hi.

30. Kimanna nei lo tua nasempa, a pualam khuamial sungah hawlkhia un, tua mun ah kahna le hagawina om ding hi,’ a ci hi.

Hi in Topa' Lungdamna Laisiangtho ahi hi.