Catholic Nisim Lungdamna Laisiangtho. Hun Nautaang Nipi Kaal (14) na. 11.7.2024 (Thurs)

Matthew 10:7-15
7. Note in na pai uh ciangin, ‘Vantung gam hong nai ta hi,’ ci-in tangko un.

8. Cinate damsak unla, misite thokiksak un. Miphakte(d) dam siangsak unla, dawi gilote hawlkhia un. Note in man pia loin na ngah uh mah bangun man sang loin na pia un.

9. Na kawng uh ah kham ahi a, ngun ahi a, sumsan ahi zongin na vom kei un.

10. Na khualzinna uh ah na zat dingun thung-ip ahi a, puansilh nih ahi zongin keng kei unla, khedap le ciangkhut zong na keng kei un; bang hang hiam cih leh, nasemte in thaman a ngah ding uh a kilawm ahi hi.

11. “Khuapi ahi a, khuaneu ahi zongin khua khat peuhpeuh ah na lut uh ciangin, tua khua sungah zintunna dinga kilawm mi zong unla, mun dangah na zin khiat matengun tua inn mah ah na taam un.

12. Tua inn sungah na lut uh ciangin hih inn sungah thupha om ta hen, ci-in nohset un.

13. Tua inn ah thupha a tung dingin a kilawm leh, na piak uh thupha amaute’ tungah tung dinga, a kilawm kei leh, tua thupha note’ tungah hong kilehkik ding hi.

14. Note hong sang lo, na thu uh a ngai nuam lo khua le innte na nusiat uh ciangin na khepek uh-a a baang leivuite singkhia un.

15. A man takpi kong genin ah, thukhen ni ciangin Sodom le Gomorrah khuate’ thuakna sangin tua khua mite’ thuakna nasia zaw ding hi.

Hi in Topa' Lungdamna Laisiangtho ahi hi.