Catholic Nisim Lungdamna Laisiangtho. Hun Nautaang Nipi Kaal (14) na. 10.7.2024 (Wed)

Matthew 10:1-7
1. Tua khit ciangin Jesu in a nungzuipi sawm le nihte samin kha ninte(b) a hawlkhiat theihna ding uh le natna satna namkim a damsak theihna dingun amaute’ tungah thuneihna a pia hi.

2. Nungzuipi sawm le nihte’ min in: a masa penin Simon a kici Peter le a sanggampa Andrew; Zebedee’ tapa James le a sanggampa John;

3. Philip le Bartholomew; Thomas le siahdongpa Matthew; Alphaeus’ tapa James le Thaddaeus;

4. Canaan mi Simon le amah a lehhekpa Judas Iscariot-te ahi uh hi.

5. Jesu in sawm le nihte hih bangin thu hilhin a sawlkhia hi: “Gentile mite’ lakah pai kei unla, Samaria mite’ khua ah zong lut kei un;(c)

6. ahi zongin Israel innkuan sunga tuu mangthangte’ lakah pai un.

7. Note in na pai uh ciangin, ‘Vantung gam hong nai ta hi,’ ci-in tangko un.

Hi in Topa' Lungdamna Laisiangtho ahi hi.

 

Add new comment

2 + 0 =