Catholic Nisim Lungdamna Laisiangtho. Adventu Nipi Kaal (3) Na. 15.12.2022(Thur)

Luke 7: 24-30
24. John’ kamtaite a ciahkhiat khit uh ciangin, Jesu in mihonpite’ kiangah John’ thu a genin ah, “Note in bang en dinga gamlak ah pai na hi uh hiam? Huih mut-a huang pumpeng en dinga paikhia na hi uh hiam?

25. Ahih kei leh bang en dinga paikhia na hi uh hiam? Puan hoih silhte en dinga pai na hi uh hiam? En un, puan hoih silhte le mi nuamsate kumpi inn sungah a om uh hi.

26. Tua ahih leh note bang en dingin paikhia na hi uh hiam? Kamsangpa en dingin a paikhia na hi uh hiam? Hi mah hi. Pasian’ kamsangpa’ sangin a lianzawpa ahi hi, kong ci hi.

27. Lai Siangtho sungah ama thu hih bangin kigelh hi: ‘En in, ka kamtaipa na mai-ah ka sawl dinga, amah in na mai-ah na lampi ding a sialkhol ding hi,’ ci hi.

28. Ken kong genin ah, numei sung pana suakte’ lakah Tuisawppa John sanga lianzaw kuamah om lo hi; ahi zongin Pasian’ gamah a neupen nangawn amah sangin a lianzaw hi,” a ci hi.

29. (Tua ciangin siahdongte a kipan mi khempeuhte in hih thu a zak uh ciangin, John’ tuisawpna a ngah manun Pasian’ thuman thutanna a man hi, ci-in a sang uh hi.

30. Ahi zongin Pharisee-te le lai siangtho siamte in John’ tuisawpna nial uh ahih manin amau aading Pasian’ ngiimna a nolh ahi uh hi.)

Hi in Topa' Lungdamna Laisiangtho ahi hi.