Catholic Nisim Lungdamna Laisiangtho. Adventu Nipi Kaal (2) Na. 10.12.2023(Sun)

Mark 1:1-8
1. Pasian’ Tapa, Jesu Christuo lungdamna thu a kipatna in hih bang ahi hi.

2. Kamsangpa Isaiah’ lai siangtho sungah, “En in, na lampi a sialkhol dingin, ka kamtaipa na mai-ah ka sawl ding hi.

3. Gamlak ah a kikopa’ aw in, ‘Topa’ paina ding lampi na sial un, ama lampi na tangsak un,” ci-in kigelh hi.

4. Tuisawppa John in sehnel gamlak ah hong kilangkhia-in mawhmaisakna ngahna dinga kisikkikna tawh tuisawpna thu a tangko hi.

5. Jerusalem khua mite a kipan Judea gam sung tenga om mi khempeuh ama kiangah va pai uh a, a mawhnate uh suutin Jordan gun ah ama khut tung panin tuisawpna a sang uh hi.

6. John in kalaoh mul kigan puan silh a, savun kawnggak a gak hi. Kauphe le gamlak khuaizu an-in a nei hi.

7. Ama tangkona in, “Kei sangin a vanglianzaw khat ka nungah hong pai ding hi. Kun-in ama khedap khaute a suutsak ding nangawnin ka kilawm kei hi.

8. Keimah in note tui tawh kong tuisawp hi. Ahi zongin amah in note Kha Siangtho tawh hong tuisawp ding hi,” ci-in a tangko hi.

Hi in Topa' Lungdamna Laisiangtho ahi hi.