Catholic Nisim Lungdamna Lai Siangtho Lk 11: 29-32 (March 9.2022, Wed)

29. Mihonpite a tam semsem ciangin Jesu in, “Hihte a gilo khang mite ahi hi. Amaute in lim lamdang hong nget uh hangin Jonah* lim longal lim dang amaute’ tungah kilak lo ding hi.

30. Bang hang hiam cih leh Nineveh khua mite’ aadingin Jonah, lim a suah bangin Mihing’ Tapa zong hih khang mite’ aadingin lim ahi ding hi.

31. Thu khen Ni ciangin leitaw lam gam Kumpinu dingin hih khang mite mawhsakna thu a khen ding hi. Bang hang hiam cih leh, amah in Solomon’ pilna thu a ngai dingin, lei mong panin hong pai hi. En un, hih lai-ah Solomon sanga lianzaw mi khat a om hi.

32. Thu khen ni ciangin Nineveh khua mite in tu-a khang mite langkhat ah dingin a mawhsak ding uh hi. Bang hang hiam cih leh, amaute in Jonah’ thutangkona hangin a mawhna a kisik kik uh hi. Hih laitakah Jonah sangin a lianzaw mi khat a om hi!