Catholic Nisim Lundamna Laisiangtho. Hun Nautang Nipi Kaal (14) Na. (5.7.2022)

Mt 9:32-38
32. Amaute a paikhiat khit uh ciangin mi pawlkhat in dawivei a, a pau theilo mi khat Jesu’ kiangah a paipih uh hi.

33. Dawi a hawlkhiat khit ciangin a pau theilo mipa a pau thei pah hi. Mihonpite in lamdangsa mah mah uh a, “Israel gam sungah hih bang thu kimu ngei nai lo hi,” a ci uh hi.

34. Ahi zongin Pharisee-te in, “Amah in dawite a ukpa suangin dawite a hawlkhia ahi hi,” a ci uh hi.

35. Tua khit ciangin Khuapi le khuaneute khempeuh ah Jesu pai kawikawi a, a kikhopna innte uh ah vantung gam lungdamna thu tangko-in, natna satna namkim a damsak hi.

36. Amah in mihonpite a cing omlo tuuhonte bangin belh ding nei loin lungkhamin a om uh a muh ciangin hehpihhuai a sa hi.

37. Tua ciangin amah in a nungzuite’ kiangah, “Buh at ding tampi om hi, ahi zongin a sem mi a tawm hi.

38. Tua ahih manin buh at ding mi tampi hong sawlna dingin lo nei Topa’ kiangah thu na ngen un,” a ci hi.

Hi in Topa' Lungdamna Laisiangtho ahi hi.

Add new comment

7 + 2 =