Catholic Nisim lai Siangtho Matthew 9: 1-8 Simna

Lungdamna Lai Siangtho Matthew 9: 1-8, 1. Tua ciangin gunkuang tungah Jesu tuanga, tuipi kantanin ama khua ah a tungkik hi. 2. Tua khit phetin mi pawlkhat in a lumsa-a om khut le khe zaw mi khat phek tawh hong zawng uh hi. Jesu in amaute’ upna a muh ciangin khut le khe zaw mipa’ kiangah, “Ka ta aw, kilung nuamsak in; na mawhnate hong kimaisak khin zo hi,” a ci hi. 3. Tua ciangin lai siangtho siamte pawlkhat in a lungsim sung uh ah, “Hih mipa in Pasian a gensia hi,” a ci uh hi. 4. Jesu in amaute’ ngaihsutna thei ahih manin, “Bang hangin note in a sialamin na lungsim uh ah ngaihsun na hi uh hiam? 5. ‘Tu-in na mawhna kimaisak khin zo hi,’ cih ding le, ‘Tho inla pai in,’ cih ding koi pen baihzaw ahi hiam? 6. Ahi zongin Mihing’ Tapa in leitungah mawhnate maisak theihna ding thu nei hi, cih na mu ding uh hi,” a cih khit ciangin khut le khe zaw mipa’ kiangah, “Tho in; na lupna phek la inla, na inn ah ciah in,” a ci hi. 7. Tua pa zong tho-in a inn ah a ciah hi. 8. Mihonpite in hih thu a muh uh ciangin lamdang salua uh a, hih bang thu neihna mihingte’ tungah a pia Pasian a phat uh hi. Hih in Topa' Lungdamna Lai Siangtho ahi hi.

Add new comment

1 + 0 =