Cate. Joseph Hau Kap tungpan kha-an vakna Feb.19.2020

 Lungdamna Lai Siangtho Mark 8: 22-26 22. Amaute Bethsaida khua a tun uh ciangin mi pawlkhat in mittaw khat hong paipih uh a, Jesu in a lawnna dingin a thum uh hi. 23. Amah in mittawpa a khutin kai-a, khua nawl ah a paikhiatpih hi. Jesu in tua pa’ mitte a cil phih a, a tungah a khutte a ngak khit ciangin, “Na khatpeuh na mu thei hiam?” ci-in a dong hi. 24. Tua ciangin amah khuadak a, “Mite ka mu hi; amaute singkung lampai bangin ka mu hi,” a ci hi. 25. Tua khit ciangin Jesu in a khut khatvei a mitte ah nga kik a, a mit kihongin khua mu thei-a na khempeuh siangtakin a mu hi. 26. Tua khit ciangin Jesu in tua pa inn ah a ciah dingin sawl a, “Khua sung nangawn ah pai kei in,” a ci hi. Hih in Topa' Lungdamna Lai Siangtho ahi hi.