Bishop Felix Hun Nautang Nipi (28)na ni kha-an vakna

Topa deihna in ama aa dingin ih hunte zat siamna in a lungkimna ahi hi. Paul in eite zong Topa sungah na lungmuang un cin hong hanthawn hi. Topa Jesu in nasep thak ahi a nungzuipite pen hongsam hi. Gen tawh zong ngasa a ki matna thute tawh hong genteh hi. Tua in ih pawlpi sungah a sia a pha te khempeuh zong hong sang hi cih na ahi hi. Jesu in Vantung gam a nopna pen mopi pawi tawh hong gen teh hi. Hih mopi pawi pen nuntakna ni ah khat vei hi in a nopni lungdam ni ahi hi. Catholic thuzuite in Pasian teelsa minam thakte ih hih lam ih ki phawksak phapha hi. Ahi zongin mopawi puan ahi ih gamtat hoih na pen thupi mahmah hi. Piang thak ing ih ki cih hangin ih nuntakna enpha ni. Ih upna pen gah hoih gah pha tawh gah nailo hi hang. Ni tawpni ciangin mopi puan ka silh khin hiam. Mawhna puan ih silh khak leh suah khia ni. Ih Topa Pasian in mawh na mudah aa mawhna pan ih sian na dingin mawh sutna leh Siangtho Pumpi sang zelzel ni ci-in Siadaw Pa tungpan thapiakna hi.