Misiangtho Gemma in 1878 kum, March 12 ni-in, Italy gam, Lucca khua ah suak hi. Unau 8 sungpan a 5 na hi aa, nuntak nuam a sa inn kuan te ahi uh hi.
Misiangtho John Baptist De Salle in 1651 kum, April (30) ni-in France gam Rheims khua ah suak hi.
St. Dominican Zateih congregation pan aminthang pen thu gen siam ahi, misiangtho Vincent Ferrer in 1350 kumin Spain gam, Valencia khua ah suak hi.
Seville khua ii Siadaw ahi, Misiangtho Isidore in 560 kum in Spain gam, Cartagena khua ah suak hi. A upa’ makaih siamna hangin Isidore in tua hun in a siam mah mah mipil khat ahi hi.
Galilee gam, Nazareth khua ah a teng, Maria minnei nungak khat kiangah thu a zasak dingin Pasian in vantung mi Gabriel a sawl hi. Tua Maria minnei nungaknu in David tapa Joseph tawh ki teng dingin zuthawl a kipiasa nungak khat ahi hi.
Tonu Maria ii lawmpa, Topa Jesu akhoi avakpa ahi, Misiangtho Joseph in David kumpi suanlehkhak sungpan apiang khat ahi hi. Joseph in Nazareth khua ah om in khut siam nasep sem a, Maria tawh kiteeng dingin zuthawl apia pa zong ahi hi.
Jerusalem khuapi ii Siadawpa ahi, Cyril in 315 kumin Jerusalem khua ah suak hi.
Ireland gam a cing a kem Misiangtho Patrick in 385 kumin Britain gam ah suak hi. Kum (17) aphak hunin Ireland gamah sila dingin amah ki zuakna hi.
Misiangtho Frances in 1384 kumin Rome khuapi ah suak hi. Nungak Siangtho asuah nop hangin anulepa te thu amangna in kum (13) aphak hunin Lorenzo Ponziani tawh kiteeng hi.
Misiangtho John of God in Portugal gam ah 1495 kumin suak hi. Spain galkap sungah lutin tua lai ah gamtatsiatna tuam tuam te a muhna pan a lungsim kikhel in Pasian deihna bangin nuntak ding a khensat khat ahi hi.
Sign up to our newsletter and get latest news and updates straight to your inbox!
