Misiangtho Isidore of Servile Pawini. (April – 4)

Seville khua ii Siadaw ahi, Misiangtho Isidore in 560 kum in Spain gam, Cartagena khua ah suak hi. A upa’ makaih siamna hangin Isidore in tua hun in a siam mah mah mipil khat ahi hi. A upa in Isidore lam a khialh loh na dingin khan sungah khum den hi.
AD-600 kumin Isidore in Seville khua ii Siadaw dingin teelna ngah a, amah in Topa Jesu ii Pasian hihna a um lo mite in thuman a muh theih na ding un panpihin huh hi.
Isidore in lai tampi a gelh lai gelh siam khat zong ahi hi. Amah in “Thunget na in eite hong siangtho sakin, lai sim na in eite lampi man hong lak hi. Ahih theih leh a nih in ih sep ding hoih hi. Ahih theih kei leh thungetna in lai sim na sangin hoih zaw hi” ci-in gelh hi.
Isidore in ama nuntakna a bei dongin mawhna daan lohna leh ki deekna te bawl den hi. A sihma kha (6) a kisap in ama om na sang in nai (24) sung tawntung, mizawngte tawh a kidim dongin ama itna khang hi. 636 kum in Isidore in a nunung Sacramentu a san khit ciangin ama tungah leibat a nei te maisak a, ama neihsa te khempeuh mizawngte hawmsak in Topa sungah lungnuam takin tawlnga hi.
Misiangtho Isidore Servile aw…Kote adingin thu hong ngetsak in.