St. John Paul II pawini. (October 22)

Misiangtho John Paul II ii minpi pen Karol Jzef Wojtya hi-in, Poland gam, Wadowice ah 1920 kum, October 16 ni-in suak hi. 1946 kumin Siampi suak aa, 1958 kumin Siadaw suak hi. 1967 kumin Cardinal suak aa, 1978 kum, October 16 ni-in Pope dingin teelna angah ciangin John Paul II cih min la hi.
Amah in khangno te a it phadiak Pope hi a, leitung bup khangno pawipi zong apan masa pen ahi hi. Catholic Pawlpi ii Catechism zong akipsak banah Latin Churches adingin Latin Law leh Eastern Churches ading in Law te bawl sak hi. 2005 kum, April 2 (Hehnem siampa Jesu) pawini in a leitung nuntakna bei a, 2014 kum, April 27 ni-in Pope Francis in Misiangtho suahna tangko hi.
Misiangtho Pope John Paul II in Pope a suahzawh, 1978 - 2005 dong, kum (27) sung Pasian ading leh Pawlpi adingin kiniamkhiatna leh siangtho na tawh na sem hi.
“Gal kidona te om nawn kei ta hen. Ki muhdahna te bei ta hen.”
“Cik mah hunin nangkia a om na hi ngei lohna phawk in. Na nisim nuntakna sungah Topa Jesu in nang tawh hong om khawm tawntung hi.” (St. Pope John Paul II)
Misiangtho Pope John Paul II aw…ko te adingin thu hong ngetsak tan.