St. Augustine of Canterbury pawini

St.Augustine Canterbury pen Italy gam Roma khua ah suak hi. AD 596 kumin alawm te thum tawh England ah Pasian thu tangko dingin Pope Gregory(lian) in paisak hi. Kent khua uk sung atun ciangun kumpi Ethelbert in phalna napia in amaute' ngimna hoih a theih ciangin Canterbury ah mun pawlkhat apiak banah amau ut na ah Pasian thu gen khuan pia hi. Mi tul tampi in Christian up na hong ngah in, AD 597 kum, Khasiangtho Pasian pawini-in kumpipa mahmah in tuisawpna sang hi. Pasian nasem khempeuh in a lianbel Siampipa tawh ki zom denin ''asang na mun atung nuam peuhin khat khit khat abanban in kal suan ding hi. Kan tanin ki pai thei lo hi'' cih Pope pa thu gen zui-in kalsuan uh hi. Amau te in dawi bia te' biak inn te susia loin amau ngeina te ahih thei zah in om sak denin Pasian um lo te' pawi ni te ah Misiangtho te' pawi bawlsak hi. St. Augustine in Canterbury ah biak inn khat leh Sts. Peter & Paul sang khat lam hi. Tua gam sungah Dioceses uk tampi zong phuan khia hi. AD 605, May-26 ni-in si a, tua hunpan ki pan England gam' nungzuipi ci-in zahtakna ngah hi.

Photo credit: my catholic life