Misiangtho William of York

Misiangtho William fitzherbert in York khuapi ii sumkempi khat hi aa, tua nasepna pan akhawl khit ciangin Kumpi Stephen in 1140 kumin York khua ii Siadaw dingin teel hi.

Amah pen midangte tungah hehpihna anei, a it huai mahmah mi khat hi ci-in mi tampi-in ciamteh in zahtak uh hi. Ahi zongin amah alangbawl mikhat ii apawl tawm khat te in amah in ahauh na dingin Pawlpi a zang pa, numeite tawh a paktatpa hi ci-in mawh sak uh hi.

Tua bang mawhsakna te in William a dingin haksa mahmah hi. Tua ban ah England leh Roma ki kal ah nasiatak in mawhsakna leh ki telkhialhnate piang sak hi. Hih thu tawh kisai in ki lem kik na bawl na dingin hun tampi bei hi. Anu nung ciangin William ama nasep vaipuak pan tawlnga in Winchester khua ah kum (6) sung, zateih khat bangin om hi. Amah a langpangte a sih khit ciangin York ah ciah kik in Siadaw sem kik aa, a sawt lo in si hi. Amah a sihna pen gu ki pia hi ci-in pawl khat te in gen hi.

William in amah a langpangte’ tungah thuk kik ding cih ngaihsutna leh ngimna khat zong aneih lohna in et teh huai mahmah hi.