Misiangtho Scholastica Pawini. (February 10)

Misiangtho Benedict ii naunu ahi, Misiangtho Scolastica in Italy gam, Nursia khua ah 480 kumin suak hi. A u Benedict in Monte Cassino ah apai laitak in Scholastica in Nungak siangtho sangah om in, aupa Benedict om na zateih sang gei a inn no khat ah kum khat khatvei ta hawh zel hi.
Nikhat Scholastica in nitak an anek khit uh ciangin a upa kiangah thu kikum ni, tawmvei om lai in a cih leh aupa in nial ahih manin Scholastica in Pasian kiangah thu anget leh guahpi leh huihpi nasia tak hong kithuah ahih manin misiangtho Benedict leh alawmte ciah thei nawn lo uh hi. Tua ciangin Benedict in anaunu kiangah “Bang hih na hiam ka nau aw… Pasian in hong maisak ta hen” acih leh Scholastica in “tawm vei na om lai in kong cih hong nial na hih manin Pasian kiangah huhna angen hing ka u aw. Pasian in ka thungetna hong pia hi” ci-in dawng kik hi.
Tua ciangin Benedict in anau nu tawh tua zan sung “atawntung lungnopna leh siangthona thu” te kikum in zingsang khuavak ciangin zateih sangah ciah kik hi. Tua zawh nithum khit ciangin Scholastica si hi. Tua hun pen Benedict in ama khan sungah mitsi in thu anget laitak hi a, amit ahong leh anaunu kha in vakhu bangin vantungah akahtoh mu hi.
Tua ciangin nuamna tawh Pasian tungah lungdam akoh khit ciangin zateih pawlkhatte anaunu luang zateih sangah lasakin ama ading a kibawlkhol sa hankhuk sungah koih sak hi. 547 kumin Misiangtho Scholastica si a, asawt lo in aupa ahi Misiangtho Benedict zong si hi.
Misiangtho Scholastica aw….ko te adingin thu hong ngetsak tan.